Avazya e festivune bandukyenge phayaripaski kerde bari galama ano Damaskeske droma palo peripe e Siriake diktatoresko Bashar al-Assad.

Sasivepa, e losh palo pelaripe e diktakurako kvashe shlbersheski nashti garavla e bari sfida e rebelyengi, kova o siguno avansipe ji ki sheruni diz e Siriaki lela sa e lumiaki godi.

O Rebelya, pe sherunipe e grupako Hayat Tahrir al-Sham, akana manglape te keren yekhipe ano than, kova kergya ulavipe palo yekh lungo civuluno mareva.

Akana e thanesko avutnipe si te decizingyol  kotar o Abu Mohammad al – Jolani, sheruno e Hayat Tahrir al -Shamesko, kova resla savatone dive ano Damasko, ko poro than kote bayrilo, kotar duryadilo kana khugya ani Al – Kaida ano mareva mamuy e amerikanyune forncengo ano Irako.

Vash shtar bersha, ov phiragya e Al – Kaidaki krang ani Siria, o Fronti Al – Nusra, numay pe agor aqhavgya mere veze e Al – Kaida thay phangya e Al – Nusra thay putergya maripe e ISIS-eya.

Jikay, o alavityenge grupe, druzya thay o kristianya ka mangelpe te mamuyingyon e sheriateske krisyencar.