Nacionalune instituti e Kosovako janglarla kay lunyako dive shdringya o vaksinipe mamuy e gripesko ani sah Kosova.

O prioritarno grupe vash vaksinipe si: sastipaske butikerutne, personya kola silen kronikune nasvalipya, thay kompromentuno imuniteti, o personya kola siton may but se 65 bersh thay o qhavore kotar 6 qhonya ji 5 bersh sastipaske indikaciencar.

“Vaksinipaske ekipe siton gadisarde thay motivime vash yekh suksesyuno avokipe e vakcinipyengo, ji kay ekspertya e ISHPK ano akala dive adikerena intensivno kedipya e sastipaske butikerutnencar  thay aver grupe vash te potencirinen o mahatnipe e vaksinipasko,phengyola ano janglaripe.

Kergyola jando kay akava bersha sar yaver bersha o furnizipe vaksininengo kerla shayutno Sastipaski Ministria kote siguringya 85.000 doze.