O regularune kampanye vash o alosaripya e 9.to februareske shrdinde ofisialno pe 11.to yanuar. Angluni ver kotar e Kosovako bi umlavdipe ani Kosova adikergyona regularune parlamentarune alosaripya. Ji akana adikerdile anglo vahtyune alosaripya. O alosaripaske kampanye si te phiravgyon ji 9.to februari kana pharvgyona o votuipaske centrya ano alosaripasko dive.

Pederal akava vahti shay te phirvagyon ano tereni buderi na qaqhune informacie but ver vash impakto pe publikuno opinioni. Baziripa ano arakhipya e hibrid.info ano agourtne qhonya, ikliste baro gendo e na qaqhe informaciengo vash o kandidatya ano liste yase ano buhlaripe e sondajengo,statistikengo bizo baze ano faktya.

Vash akaleske realizisako yekh memorandumi mashkar Hibrid.info, Telegrafi.com thay Quantix/Shqip.ai kote silen res te adresinen o na qaqhune informacie, yase dez informacie pederal o alosaripyengo procesi.

Sah o riga kola siton kotorleyutne ano akava memorandumi si te anen piri ekspretiza thay teknologia vash te sigurinen rezultatya, Hibrid.info si te vastinel piri experienca vash fact-checking ji kay telegrafi vash ulavipe e informaciengo, ani aver rig Quantix/Shqip. si te sigurinen teknologikuno phikoipe e avancima algortima vash idetifkipe e na qaqhune nevipyenge.