Save the Children Kosova/o mothavgya pozitivuno progresi ano socialune servisyengo
pasharipe ani sah Kosova, zoralipea e individyen kola jivdinena ano baro riziko e socialune
paldipasko thay kreiripea lungevahtune trasformipya. Mashkari Skema e Talo-Grantyengi,
kotor e proyektesko kova financirimo kotar e Evropaki Unia ‘Laqharipe e Socialune
Servisyenge Pasharipaski vash o Marginalizime Grupe ani Kosova, sar Reakcia mamuy
Covid-19, 47 licencime organizacie phikoisale e may buderi se 2.7 milionyencar euro e
bershestar 2021.

Akala fondya sine mahatne vash te phikoinen e qhayen, qhave, juvlen
thay murshen kola jivdinena ani rizikimi situacia.

Pe lungipe e financionaluna phikoipaske deipasko, BRO kotor e Skemako,
viayekha sikavdile vash menajipe e proyektyengo, rizikosko planifikiripe thay
reagipe mamuy o emergencie. Vash may but, servisyenge deutne buhlakerde
poro jandipe thay siklipe, siguripea holistikyuno aksesi ko pere servisya. Akava
aksesi akhargyola vash o phandipe e fizikune, psikologikuno thay socialuno
shukarhalovipasko/sastipasko, siguripea kay o vijayutne te len saahastardo
phikoipe akordimo vash olenge unikune manglipya/valanipya – ji akana 9.137
individya (1635 qhaya, 1874 qhave, 3769 juvla thay 1859 mursha) lele socialune
direktyune servisya.

Keripea buti vash yekh lungevahtyuni deciziya vash e servisyengo deipe, amaro
angazhipe nakhla maydur se o direktyuno phikoipe. Amen phikoina o lokaluno
thay centraluno niveli khetanebutikeripaya vash te kreirina referipaske sistemya
thay mekanizmya vash te lokharen o deipe e yekhutne socialune servisyengo.
Amen avokina thay phikoina vash avancipe thay implementiripe e krisyune
ramesko vash te kera shayutno o saavahtuno socialune servisyengo deipe.
Te da angazhipe vash yekh stabiluno avutnipe vash savore.

Vizitineni thay sikloveni may buderi ko akava linki: http://info-sherbimesociale.org