Romani Redaksia ano RTK akhargya e Rayna Urma Menekshe thay e Fatmir Menekshe te realizinen e kurkyuni emisia “Mozaiko” e moderatorea Ridvan Gashi, vash te vakeren e Aprileske manifestipaske aktivitetya kote o terne thay akala aktivistya realizinde.

Rayni Menekshe akhardili vash te promovinel thay te vakerel vash e Romane Fakultativune Siklipaske Aktivitetya thay Barvalipe e Romana Minibibliotekako mashkaro publikipya thay o agoruno publikipe e pustikako e Komediako “O Kamberi thay e Leyla”, palo 30 bersha khelipe kotar o Romano Teatro “Nexhip Menekshe”, pustik koya si ano 5 qhibya: romane, albanyuni, boshnyakuni, turkyuni thay anglikani qhibya.

Desar o rayo Menekshe akhardilo vash te vakerel vash e Drama “Ano Rodipe” kolaki premiera sine pe 7.to aprili 2025, Solemyuni Akademia koya realizisali ani Prizrenoski Kupatni pe 8.to aprili mashkro ledeipe e Romane Organizacienga Rafina thay e Prizrenoska Komuna thay pe agor vi vash o Dokumentaruno Filmi “Horo ano Boro” kote o terno rejisori tretiringya e kauza e Salake yase e Kulturune Centrosko nanipe vash o Durmish Aslano, anipe pe godi e suksesuni historia e akale Kulturune- Artistikune Amalipaski, kolako aktualuno direktori si o Fatmir Menekshe.

Emisia mekhlili pe 10 may, savatone dive shrdipa e oratar 14:00 ano RTK 1 kolako linki si te ulava sigyate tumenca.