Adive, ano Mashkarselikano Dive, vash Manushikane Hakaya, amen.Aktivustya thay organizaciya kota civilyuno amalipe, kera kharipe instituciyenge  ano centraluno thay lokaluno nivelo, kay manushikane hakaya te treteringyon sar selikano prioriteti, ulavipe ano hakaya e grupake kola isiton may korole ani Kosova.

Respekti vash hako thay tromalipe odova themelipasko e manushengo isito ultimatum vash shukarno funksionipe e savore amalipasko, numay garavipe thay promovipe akale hakayengo isito godornipe e themutne instituciyengo.

Pe agorutne bersha isiton raportime thay isiton diklarde buderi sure e phare ushkavipasko vash manushikane hakaya kova sito publikouno diklardo, kote shay te evidentina bibahtaagor e instituciyengo vash te pheren pozitivuno obligipe  vash garavipe thay garanciya vash o hako thay  manushukano tromalipe.

Phuyarel thay murdaripe  juvlengo thay chavorengo, institucionaluno diskriminipe pedero personya e limitime shayipenca.Romano Ashkalyuno thay Srbyuno komuniteti, LGBTI, atako thay kamipaski qhib mamuy marjinalizime grupe shay te adresingyon urgentyuno kota instituciye ani Kosova.

Sar organizaciya e civilyune amalipasko, amen roda kay publikune instituciye-raipe, sombershipe, thay savore dogripaske instituciye te pheren poro konstituciyako thay krisyuno obligipe vash te garaven hako thay themelipasko tromalipe vash savore manusha-bizo ulavipe.

Sasavipeya ka phirava te monitorina savore godorvale institucie  thay ka roda ginipe vash akt  kova cenina hako e dizutnengo ani Kosova.

Ani akaya protesa lela kotor vi o Direktori “Durmish Aslano” Fatmir Menekshe thay romano aktivisti Semir Qylangji