E presidenta Vjosa Osmani aratike dengya yekh lugi intervista e albaniake jurnalistea Cim Peka koya oy ulagya sah e kronologia thay pere pratsava e agorune aktualitetyencar kola qhivena palem e Kosova ano institucionaluno thay politikuno grci.
Presidenta Osmani phenla kay oy si sigurno kay laki decizia vash o dekreti si ani pherdi akordanca e Konstitucia, ini soske e Kriselin dengya harivahtuni masa.
Pandar bi iklisti e Konstituciaka Kriselinaki decizia sim konsultisali may buderi se 10 yuristyencar thay sasavipea shukar ajukerava e kriselinaki decizia. Si normalno kay o institucie te ovelolen yaverune interpretipya. Nihari nanela dar, thay sah so ajukerla si kay e kriselin te decizinel ani akordanca e integriteteske principea thay e konstituciako interpretipe ani mesti qhand.
