Kosovaki Centraluni Alosaripyengi Komisia adive sila duy kedipya, ajukergyola e decizia vash rigendipe e votengo.
Yekh kotorleutno e Alosaripyenga Centraluna Komisiako konfirminya kay adive pe ora 10:30 ka adikergyol kedipe e Alosaripyengo Operacionalune Koncilesko. Palo akava ka adikergyol vi o regularuno kedipe e KQZ-esko, pe ora 13:00 kote dikhlardili saday yekh viran ano divuno rendo. Mashkaro resursya vakergyola kay sa o partie Mangena rigendipe vash votuipaske thana e 28.to decemabareske alosarupyengi.
KQZ vazdingya o kapacitetya ano gendipaske centarya thay si gatiserne vash o rigendipe, feriso akava manglilo kotar o partie AAK thay LDK, jikay PDK thay VV pandar na ikliste ofisialune pratsavea vash akava propozali.
Vash o qoripe e votengo vay manipulipe vakergya vi e Prizrenosko Sherunoprokurori, Petrit Kryeziu, kova phhenla kay autorizimoy e Policia vash rodlaripe vash o bipakyavipya pederal e votengo manipulipe.
