Irati pe data 06 juli 2024 – Xhemaijl Rexha alosargyola Sheruno e Bordesko e Asosaciako e Zhurnalistengo ani Kosova, kote kana lela rig e organizaciako vash avutno periodi.Rexha, kova siole but eksperienca ani zhurnalistika thay medialuno menajipe, alosargyola e buderi glasenca ano asamble kote adikerdilo irati.
Ani realicia e neve Statutea e AGK-esko, kriyrisali pandar yek pozicia talosheruno/sheruni, kote sito alosardo Naile Dema Selmani kotar Radio Dukagjini. Kriyripe akala poziciako sila res te yaverinol menajmenti thay andruno organizipe e Asosaciako, kote vazdla reprezentipe thay diverziteti opinyonego mashkarleste.
Ani yaveri rig aver reprezentia kote alosardile e Bordeske vash akava mandati siton:
• Milot Hasimja (Klan Kosova)
• Florande Morina (T7)
• Blerta Dalloshi (TV Klan)
• Mehmet Krasniqi (TV Dukagjini)
• Fatlum Jashari (ATV)
• Jehona Hulaj (Telegrafi)
• Besnik Velija (Gazeta Express)
Sheruno Bordesko kobaralosardilo, Xhemail Rexha, potenciringya semnipe e koperaciako thay angazhipe te vazdel profesia e zhurnalistikaki ani Kosova, te laqarol bukyake kondiciye vash zhurnalistia thay vash te garvol mestikuno vakeripe.
“Si pativ thay baro godornipe te ovav sheruno e AGK-esko. Siamen te kera but saren vash siguripe kote zhurnalistengo avazo te shungyol thay te respektingyol. Ajukerlamen bare sfide, numay me sium sigurno e ledyipa thay angazhipa siamen te nakhava sa,” potencirnga Rexha ano lesko vakeripe napal alosaripe.
Alosardo nevo Sherunosko thay kotorlehutnego ano Bordi avela ano yek semno momenti vash media ani Kosova, e jivdipaske pharipe kola siton mamuy zhurnalistya thay mangipe vash yek phikodeipe po but institucionaluno thay socialuno suporti.
