Andripe thay tematika e filmeski ‘Romni’ akharla terne prandipya, negativuno fenomeni andar o roma, kola atribuinguona e romenge, vi ayekha vazdena o qhelalo gandipe upral o roma.
Filmi ‘Romni’ realizisalo kotar o UNMIK ano ledeipe e romane aktivistyencar.
‘Durmish Aslano’ si nays kerutno thay barikano kay sine kotor e filmesko. Amaro disponipe sine te pashara rol modeli terne e teatralune thay filmeska eksperienca, kote duy aktorya: Sejnur Veshall thay Gjynejt Kallo taro Romano Teatro ‘Nexhip Menekshe’ lele kotor ano filmi.
Sejnur Veshall akana taloministro e Kulturako, reprezentingya amaro teatro thay e organizacia, mothavipea o avansipe e romana kulturako thay harnipe e terne prandipyengo ano Prizren.
Ani premiera e filmeski ‘Romni’ sine vi yekh paneli, kreirimo kotar: Gjyzele Shalani, Sabina Berisha thay Adelina Hasani, kote talo moderipe e Edis Galushesko diskutisalo e tema vash o Terne Prandipya thay e Juvlank Yeri ano sakodivuno jivdipe.
