Palem e Barcelona triumfinla e Spaniaki Superkupa triumfipa mamuy o Real Madrid ano finali koya organizisali ani Arabia.

“El Clasico” sar sakoya ver pherdi yag, sol duy ekipe kola rizikime yekhe yavera shrdipastar ji po agoruno epilogi e rezultatea 3-2.

Barcelona domingya e topka vash te kreirinel rizikime sutya, numay nashti konkritizinde.

Raphinha dengya o yekhto gol pe 36 minuta palo Fermin Lopezesko asistipe. Reali irangyape mashkaro Vinicius Jr yekhe solo golea pandar bi agorisalo o yekhto kotor. Yekhatar e Barcelona irangya po anglipe mashkaro Robert Lewandowski, thay palem mashkari agoruni akcia o Gonzalo Garcia hramingya yekh gol mashkaro korneresko servisipe thay kergya kay o yekhto kotor te ulavgyon beraberune rezultatea.

Ano duyto kotor, e Barcelonako heroi iklisto o Raphinha, kova dengya pandar yekh supergoli mashkaro yekh deviacia e zorale shuteski thay ini soske e Barcelona aqhili bizo yekh khelutno vash o sepebi e lole kartoneski kay hala o De Jong, resla te vijainel e Spaniaki Superkupa shrdipa o 2026 yekhe trofeoa.