{"id":12341,"date":"2025-06-02T20:16:56","date_gmt":"2025-06-02T19:16:56","guid":{"rendered":"https:\/\/radioromanoavazo.com\/?p=12341"},"modified":"2025-06-02T20:22:03","modified_gmt":"2025-06-02T19:22:03","slug":"romana-neva-generaciako-avazo-diskriminipe-thay-e-nakhipasko-pharipe-kova-nani-olengo","status":"publish","type":"post","link":"https:\/\/radioromanoavazo.com\/en\/aktualune-nevipya\/romana-neva-generaciako-avazo-diskriminipe-thay-e-nakhipasko-pharipe-kova-nani-olengo\/","title":{"rendered":"Romana neva generaciako avazo: Diskriminipe thay e nakhipasko pharipe kova nani olengo"},"content":{"rendered":"<p><strong><span style=\"font-weight: normal;\">Ani Kosova, romano komuniteti pandar mamuyingyola e anglokrisipyencar thay stigmatizipea, butiver vash e nakhle vahteske ovipya, kola o terne generacia nani jivdime. <\/span><\/strong><\/p>\n<p><strong><span style=\"font-weight: normal;\">Ano Prishtinako aeroporti, yekh lokho suro e maladipasko e duye manushengo mothavla e diskriminaciako horipe. Yekh bipenjarno personi, palo leipe kan yekha romana qhaki origina phengya: \u201cNa keratumen kabahatlie vash odova so ulo may angleder, numay tumare roma darakerde e manushen.\u201d <\/span><\/strong><\/p>\n<p><strong><span style=\"font-weight: normal;\">Akaya deklaracia, koya pe shrd dikhyola biklarifikimi, si dikhavlin e yekhe realitetesko kote o terne generacia akharna o pharipe e yekha historiake kola nani jivdinde\/nakhavde. <\/span><\/strong><\/p>\n<p><strong><span style=\"font-weight: normal;\">Ani yekh intervista e yekha romana familia, yekh day thay lakoro qhavo ulavena o memorie thay o reflektipe pederal e marevaski perioda thay o impkati kola sinela akaya perioda ko terne generacie. O qhavo, biyamo pe 2001.to bersh, palo marevasko agoripe, phengya: \u201cBut qhavore sar me na janena ni so mangla te phenel o Mareva, e mekh te len kan se sori uloy.\u201d. <\/span><\/strong><\/p>\n<p><strong><span style=\"font-weight: normal;\">Ov pelarla ki godi para dake alava, koya butiver rileparla: \u201cO marova nikana ma te rijivdingyol. E shand si pederal sah.\u201d <\/span><\/strong><\/p>\n<p>Ani aver rig, e day mothavla e marevaski perioda say yekh avrirenduno pharipasko vahti: \u201cSakova dive shuna vash tasavipya thay violence, may buderi pe civilya. O Mareva buhlardilo kotar o gava ano diza. Sine bokhako, darako thay bare bi-siguripasko vahti. Sine familie kola nashalde sah, vi qhavoren.\u201d<\/p>\n<p>Ani yekh aver familia, o dadalarya ulavena pere dukhavne mothavipya vash o pharipe kova nakhavde pe marevasko lungipe, sar vi o diskriminipe kola shunde thay jivdinde sar romano komuniteti. Yekh day ulagya yekh dararno momenti kana pe lungipe e bombardimyengo ano Prizreno, lakoro qhavo kurtaysalo\/ashutisalo mashkari baht kay yekh regali pelo pederal oleste. Oy phengya: \u201cSimay pi buti kana ulo akava. Sine yekh mujiza kay mo qhavo na lindisalo.\u201d<\/p>\n<p>Lakoro mursh mothagya kay arestisale vash 10 dive saday kay sine nikiste vash te len pani andi policiaki ora.<\/p>\n<p>Oy vi ayekha potencirinla kay o romano komuniteti mamuyisalo buderi anglokrisipyencar kotar o sol duy riga ano Mareva: \u201cO serbya phenena sine kay amen siyem e albanyencar, o albanya phenena sine kay amen siyem e serbyencar. Amen saday mangaya sine te aqhova jivde.\u201d Phengya e day.<\/p>\n<p>Jikay lengere qhavore na bayrile shuninindo sah akala ovipya, on akana mamuyingyona e diskriminacia bi lele kan o sebepi. Yekh kotar o qhavore phengya: \u201cAmen na jana buderi vash o Mareva, numay shuna o anglokrisipaske efektya.\u201d.<\/p>\n<p>Yekh specialno emocionaluno suro si e yekhe 7 bershune qhavoresko, kova etiketisalo sar \u201cdushmani\u201d saday vash o sebepi leska originako. Akale artikaleske may telune komenteste kay prezentinla ole sar yekh suksesuni storia, daykhogode hramingya: \u201cAkala sine e gajencar. Vi akava kana ka bayrol ka ovel agyar.\u201d.<\/p>\n<p>Sasavipea o komenti koslilo, jikay lesko impakti aqhilo zoralo. Akava si saday yekh missal e qhandyengi sar o anglokrisipya qalavna e qhavoren vi ano tikne bersha.<\/p>\n<p>Kotar o vakeripya vash akava artikali, dikhlola o biaqhavdo diskriminipe ko romane komuniteteske terne, vi feriso e majorantyune komuniteteske qhavore, na but sigate sikavgyona <b><i>te len kan<\/i><\/b> <b><i>thay te respektinen thaneske kulturune thay socialune diversitetesko semnipe.<\/i><\/b><\/p>\n<p>Akava fenomeni mothavla kay o terni romani generacia siton obligime te mamuyingyon yekhe pharipa koya nani olengi, anglokrisindoy thay stigmatizinindoy vash o nakhlipaske ovipya kay on korkore nane nakhavde. Akaya situacia kreirinla bare sfide ano integripe thay shayipe vash yekh may laqho avutnipe.<\/p>\n<p><em>Artikalo kotar e jurnalista, ry. Gynesh Veshall\u00a0<\/em><\/p>\n<p>Akava hraminpe si produkti e Akademiako vash e Nakhlipaske Mamuyipasko raportipe (BmK) thay Sensibilizimo Jurnalizmo vash o Konfiktya, implementirimo kotar e Pro Peace &#8211; Programi ani Kosova thay Kosovake Jurnalistyengi Asociacia &#8211; AGK. O godinipya kola ulavdile ano akava hramipe siton talo jurnalistesko\/jurnalistako godornipe thay ani niyekh qhand na reprezentinena e Pro Peace thay AGK-eske godinipya.<\/p>\n<p>&nbsp;<\/p>","protected":false},"excerpt":{"rendered":"<p>Ani Kosova, romano komuniteti pandar mamuyingyola e anglokrisipyencar thay stigmatizipea, butiver vash e nakhle vahteske ovipya, kola o terne generacia nani jivdime. Ano Prishtinako aeroporti, yekh lokho suro e maladipasko e duye manushengo mothavla e diskriminaciako horipe. Yekh bipenjarno personi, palo leipe kan yekha romana qhaki origina phengya: \u201cNa keratumen kabahatlie vash odova so ulo&#8230;<\/p>","protected":false},"author":1,"featured_media":12342,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[1],"tags":[],"class_list":["post-12341","post","type-post","status-publish","format-standard","has-post-thumbnail","hentry","category-aktualune-nevipya"],"aioseo_notices":[],"_links":{"self":[{"href":"https:\/\/radioromanoavazo.com\/en\/wp-json\/wp\/v2\/posts\/12341","targetHints":{"allow":["GET"]}}],"collection":[{"href":"https:\/\/radioromanoavazo.com\/en\/wp-json\/wp\/v2\/posts"}],"about":[{"href":"https:\/\/radioromanoavazo.com\/en\/wp-json\/wp\/v2\/types\/post"}],"author":[{"embeddable":true,"href":"https:\/\/radioromanoavazo.com\/en\/wp-json\/wp\/v2\/users\/1"}],"replies":[{"embeddable":true,"href":"https:\/\/radioromanoavazo.com\/en\/wp-json\/wp\/v2\/comments?post=12341"}],"version-history":[{"count":3,"href":"https:\/\/radioromanoavazo.com\/en\/wp-json\/wp\/v2\/posts\/12341\/revisions"}],"predecessor-version":[{"id":12347,"href":"https:\/\/radioromanoavazo.com\/en\/wp-json\/wp\/v2\/posts\/12341\/revisions\/12347"}],"wp:featuredmedia":[{"embeddable":true,"href":"https:\/\/radioromanoavazo.com\/en\/wp-json\/wp\/v2\/media\/12342"}],"wp:attachment":[{"href":"https:\/\/radioromanoavazo.com\/en\/wp-json\/wp\/v2\/media?parent=12341"}],"wp:term":[{"taxonomy":"category","embeddable":true,"href":"https:\/\/radioromanoavazo.com\/en\/wp-json\/wp\/v2\/categories?post=12341"},{"taxonomy":"post_tag","embeddable":true,"href":"https:\/\/radioromanoavazo.com\/en\/wp-json\/wp\/v2\/tags?post=12341"}],"curies":[{"name":"wp","href":"https:\/\/api.w.org\/{rel}","templated":true}]}}