On si kotor e yekhhe biaqhavde zorideipasko vash te iranen e nashaldi memoriathay vash te buvlaren amare kulturune kustikipasko avazo.

Ano periode kana o vazdipe e avazosko sineyekhh rebelaciako akti, Romane Teatrosk ejuvlane aktrisya sinelen yekhh baro obligipe: te dudyaren e elpinaki dud ani avri frdipaski temin. Sakole bajakoa, sakole alavea, e juvli fulavla e vahtesko gat vash te prezentinel amare identitetesko horyuno portreti. On siamara historiake garavde narracie, truyalime enashalipaske asvencar thay o barikanipe eyekhha telarde kustikipesko.

Mashkaro amara muzikake note, amaro romano ilosko avazo phayrola ani yekhh ushkavdi simfoniaki yashinali melodia thay somnalune dalgenca. On si nakhle shlbershenge tingule,kedime ano amaro ogi vash niyekhh ver ma te bistra: kotar ava thay te anglodikhlara kote ka ja. Sakola tingula, amen pelara ki godi amaro identiteti, keribaya yekhh biyaverimo res vash amaro kulturako drom.

Ano phiko e akale dromesko inspirimo kotar o mangipe vash te strafinel e dud andi vahteski temin, e pustik transformingyola ano yekhh romana kulturako monoliti, yekh monumenti kova anla pe godi e juvlengi thay qhayengi bipenjarde historie kola vilea thay tromipa phiravde amaro kustikipe.

Mashkaro akala desh telarde historie, amen ova gevaya e sakrifikaciengi thay e biaqhavde mangipaski vash te la angali amaro identiteti yekhhe pherde ogea. Akala qhamya nane saday yekhh historiengi kolekcia, numay si amare nakhlipasko barikanipaski thay respekteski bi ushkavdi phuv, yekhh emocionaluno phiripe direkt vash yekhh avutnipe kova si dudyardo kotar amara romana kulturako kham.

Ani akaya pustik, sakova alav, sakova paragrafi, sile yekhh specialuno mahatnipe, transformipa o modestyune alava ano amara kulturako barikanipasko flago.

Kotor lelo kotar e Pustik "Rezisteniacke Melodie"