Ano iratuno EU-ko Samiti vash o Ratoriguno Balkani thay leskere kotorleutne rashtrengo, ano konsultipe e partnereyensar miratisali yekh khetanyuni deklaracia.
Ratorigune Balkaneske kergyola kharipe vash te alosaren o na-lekanipya mashkar peste sar vi o Europaka Uniake koyshiencar, ani qhand vash te sigyaren e buhlaripasko procesi.

Ano akala na lekanipya lena kotor: Prespako Lekanipe e Grqka thay e Amalipasko Traktati, Lekanipe vash laqho koyshiluko thay khetano butikeripe e Bulgaria aqhola mahatno mashkari akaya deklaracia.

Kosova thay Serbia manglape te normalizinen pere ledeipya feriso akava aqhavela sol duy partneren, kola valani te respektinen thay implementinen o memorandumya e Brukseleske thay e Ohridesko Aneksi.

“Buhlaripe si yekh geostrategikuno investipe vash o shandipe, stabiliteti thay prosperiteti. Akana si nevi dinamika ano buhlaripasko procesi. Sigyaripe e buhlaripeske procesesko, baziripa ano direktune thay striktyune kondicie thay e individualune meritenge primaritetya, si ano yekhuno interesi”, phengyola ano dokumenti.