Organizacia Romengo, Ashkaliengo thay Egiptasyengo Avazo (VoRAE) akharela sah e romen thay e na romen te len kotor ani publikingya o anava thay o prespektive kola 6.to edicia e Let Talk.
Pe 18.to novembro 2026, startipa e oratar 18:00, ani Prishtinake Ternenge Palateska Lola Salate (Salla e Kuqe) ka adikergyol e shofto edicia e evenimentesko “Let’s Talk”, organizimi kotar e BRO Romengo, Ashkaliengo thay Egiptasyengo Avazo.
Mashkaro personalune mothavipya thay yekhe puterde lafipasko, o kotorleutne ka diksutinen vash o anglokrisipya, diskriminaciake eksperience thay e qhand vash te kreirina yekh beraberuno amalipe.
Mashkaro organizatorya, e Kosovake Republikaki Presidenta, Justina Shiroka-Pula, ka lel kotor sar specialuni misafira ano puteripe e akala ediciako.
Mashkaro vakertune ka oven vi: Veton Berisha, yuristi kotar e Pekya thay deputeti kova reprezentinla e egiptasyune komunietete ano Kosovako Sombeshipe, Dafina Halili, gazetara thay redaktora ano Kosovo 2.0, thay Edis Galushi, qhibyengo sikavno, artisti thay kulturuno aktivisti.
Berisha ka anel piri eksperienca vash egiptasyune komunitetesko reprezentipe ano decizialeipe. Halili ka vakerel vash e jurnalistikaki rola ano ikalipe pe meydano o ushkavipe e manushenge hakayengo kola hari shungyona ano medie. Galushi ka anel poro dikhipe pederal e qhibyaki, siklipeski thay arteski rola ano dialogi mashkaro komunitetya.






