Cenraluni alosaripaski komisiya adive ka organizinel ceremonia vash cidipe e shortesko e rendosko ano votuipasko lill vash o alosaripya vash Kosovako som beshipe.
O parlamentarune alosaripya anglo diklardile te adikergyon 9.to februari e bershesko 2025, thay pederal adisuni ceremonia si te iklon agorutne rendoske gendya e qertifikime subyektenge ani votuipasko lill.
Centraluni alosaripaski komisiya savatone dive ikalgya e lista e statistikencar vash o personya kola ka votuinen andre thay avri Kosovatar.
Ani akaya lista o dizutnengo gendo kola silen shaipe te votuinen si 2 miliomya thay 75, 868 mile.
Phando e informaciencar o dizutnengo gendo kola silen shaipe te votuinen ani Kosova si 1 milioni thay 970,944 ji kay o gendo e dizutnengo kova sitov regjistrimo avri thanesta te votuinen si 104,924 mile.
