Kulturune BRO thovna rodlarin vash ulavipe e Sumnakuna Medalyako vash o Maestro Rexhep Karaçi – Fizarmonisti.

Trin kulturune organizacie: Durmish Aslano, Roma in Action thay Multiethnic Culture of Kosovo, pe data 28 februari 2025, thovde thay protokolinde rodlarin vash te Ulavgyol yekh Sumnakuni Medalya – vash o Maestro Rexhep Karaçi , penjardo harmanikisti ani sah Kosovaki may uqhe muzikaki niveluni estrada.

Desar, akalestar on ajukerena kotar e Kosovaki Presidenca, ry, Vjosa Osmani, kay so may sig te dikhlargyol mashkari komisia akaya rodlarin thay te akseptisali te ulavgyol pe 8.to aprili – Mashkarselikano dive e Romane Komunitetesko kova manifestingyola ver-verune aktivitetyencar.

Akaya rodlarin, inicisali kotar o Hasib Karaçi – kova magistringya ano Muzikaki Akademia thay phirela palo pere baboske bajakya.
Enter

Maestro Karaçi penjargyolay sar o yekhto fizarmonikisti e Radio Prizrenosko, respektivitetea vi e Prishtinako, lesko bashalipe sine ano uqho nivelesko kalibri thay vash 70 bersha kerdoy khetano butikeripe e may penjarde Kosovaka estradake may laqhe muzikantyencar. Vash o Maestro Karaçi vi e filmografa, ry. Burbuqe Berisha kergya yekh dokumentari anavimo “Harmonika”.