Siklipeski thay Skenciaki Ministria ofisialno putergya o konkursi vash financionaluno phikoipe e romane, ashkalyune thay egiptasyune studentyenge vash o 2026-2027 akademikuno bersh. Akaya masa sila res te lokharel e ternengo uqho siklipe thay integripe ano Kosovako universitaruno publikuno sistemi.
Mashkaro ministresko informipe, o kosto e financionalune phikoipasko ka ovel ji 1,000 euro vash o studentya. O konkursi si bazirimo ano krisesko rami vash o uqho skoluipe thay administrativune instrukcie vash kreiripe e skemengo vash studentyengo financionaluno phikoipe.
O kondicie thay o kriterya vash aplikipe
Hako vash aplikipe sah o studentya kola pherna telune kriterya:
- Manglape te oven Kosovaka Republikake rashtrune;
- Te oven kotorleutne e romane, ashkalyune thay egiptasyune komunitetyenge;
- Te oven registrime o yekhto ver thay ano yekh bersh e bachelor studiengo ano yekh publikuno universiteti e Kosovako vash o akademikuno bersh 2026-2027;
- Te ovelolen aktivuno o personaluno bankako konto ani yekh Kosovaki banka;
- Te na oven vijautne dayka bursaki kotar day aver skema e MAShT-eski andar o yekhuno akademikuno bersh.
O mangle dokumentya thay apkikipaski procedura
O interesime kandidatya manglape te biqhalen o mangle dokumentya;
- Fakultetesko registripasko lil;
- O pherdo formmulari vash korkorodeklaripe vash toro etniciteti;
- Skeniraymi kopia e identifikipaske lileski;
- Ofisialuno konfirmipe vash o personaluno thay aktivuno bankako konto.
O aplikipe agoringyola sah ano elektrikuno drom mashkari rashtruni platforma e-Kosova
https://ekosova.rks-gov.net/434). Kotar e ministria janglargyovena kay te sine situmen bikompletirimi aplikacia odoyaver na ka lelol pe konsideripe kotar e komisia.
Aplikipasko agoruno vahti
Publikuno kharipe si puterdo vash 15 kalendarikune dive. Aplikipasko procesi shrdingya pe 26 oktombri 2026 thay ka ofisialno ka phangyol pe 9.to novembari 2026, pe ora 16:00.
E triumfime studentyengi lista ka publikingyol ani Siklipeski thay Skenciaka Ministriaki ofisialuni webqham palo agoripe e verifikaciaki procedura. MAShT infrominla vi ayekha kay garavla o hako e detalne verifikaciako e informaciengo vash te nashel kotar o dublifikime registrime surya.
