𝗡𝗲𝘃𝗶 𝗗𝗿𝗮𝗺𝗮 𝗮𝗻𝗼 𝗥𝗼𝗺𝗮𝗻𝗼 𝗧𝗲𝗮𝘁𝗿𝗼 “𝗡𝗲𝘅𝗵𝗶𝗽 𝗠𝗲𝗻𝗲𝗸𝘀𝗵𝗲” – 𝘆𝗲𝗸 𝘇𝗼𝗿𝗮𝗹𝗼 𝗶𝗻𝘁𝗲𝗿𝗽𝗿𝗲𝘁𝗶𝗽𝗲 𝗸𝗼𝘁𝗮𝗿 𝗼 𝗕𝗿𝗲𝗰𝗵-𝗶𝘁.

Romano Teatro “Nexhip Menekshe” startinla o gatiseripe e yekha neva dramako kotar o germanyuno penjardo ahtori Bertolt Brecht, tali dramturjia thay rejia kotar o Mahir Musliu, kova pere artistikune maystorlukoa ka iranel e epikune teatrosko zoralipe ki amari romani skena. ⭐️
Akava proyekti phikodendo kotar e Ministria vash i Kultura, Terne thay Sporti, kerla khetane e aktoryenge generacie, anipea yekh sumnakuni ekipa, e skenake veteraynenge kotorleipa,
Daut Qulangjiu thay Avdi Misini, thay e Romane Teatroske aktualune aktoryen, sar e Fatmire, Benjamine, Melisa, Gjynejte thay Mijedine.
Vash te zorakera may buderi akaya produksia, angashingyona vi penjarde profesionistya: Gezim Sertollaj, kova ka anel e Dikhipaske thay Yekhevahtune Arteski unikuni ani koreografikuni phiripe ani skena , thay o Flamur Krasniqi, tonisti kotar o Profesionaluno Teatro “Bekim Fehmiu”, garantinindo yekh avrirenduni teatraluni eksperienca.
Thay na saday akaya ekipa, numay sah o Profesionaluno Teatro Bekim Fehmiu phiravela e phikoipaski thay avansipaski tradicia e Romane Teatroski Nexhip Menekshe. 🖇️
Akaya premiera si yekh baro bajako vash afirmipe e Romane Teatroski Nexhip Menekshe, argumentipa kay o arti thay o teatri aqhona amalipaske zorale avazya. Ma nashaleni akava unikuno ovipe kova ka anel yekh nevo interpretipe, tromalo thay horyune kotar o Brecht-i!
Sigate ani skena – shukar ajukaratumen