Angle duy dive ani Gilana adikerdicola o kulturuno tradicionaluno manifestipe “Agimeske Dive”, ano respektipe e jivdipasko thay e bukyengo e heroesko Agim Ramadani, organizimo kotar e KAM “Agimeske Dive” thay Gilanaki Komuna.

Ano akava ovipe lela kotor vi o Kosovako sherunoministri ano obligipe, kova moldingya e Ramadanesko kontributi sar yekh saastardi figura – armatako stratego, poeti, piktori thay patrioti.

“Agim Ramadani si yekh armatako, politikako thay artstikuno jivdo kustikipe, kova inspirinla avutne generacie,”, poternciringya o Kurti.

Kova vi ayekha phengya kay akala manifestacie zorakerna e memoria vash o heroya kay dende po duho thay kay phangyona generacia pali generacia e mestipaske thay sakrificake moldipa.

Sherunoministri phangya po lafipe nayskeripa e organizatoren thay manginindo respekti vash o sah naciake heroya.