Ano rami e manifestipasko e Romana Qhibyako Lumiako Dive vi e Romani Biblioteka “Romane Pustika” distribuinela e nevi pustik pe romani qhib “o Suno te na ovel qhaqhipe” ano Nacionalune thay Komunalune biblioteke, skole, sar vi ko romane organizacie.
Yekh e may laqhe aktivitetyendar kola qhaqhipea simbolizinena e romani qhib, realizingyola kotar e kreatora e Romana Bibliotekaki “Romane Pustika”, Urma Menekshe koya ulavela e may nevi publikimi pustik, e drama “O Suno te na ovel qhaqhipe” kotar o yekhto sikavno e romana qhibyako thay autori Nexhip Menekshe ko ver-verune institucie kola si sinonimya e drabaripaske, siklipeske thay qhibyake vi e literaturake, sar si e Prizrenoski Biblioteka, e Kosovaki Nacionaluni Biblioteka, Fakultetyenge Biblioteke, Kulturune Institucie, Romenge thay Studentyenge institucie.
“Romani qhib si amaro barvalipe, te garava thay te phirava ola kustik pali kustik”, phenla e rayni Menekshe.
