Pe lungipe e rashtruna vizitako, e Presidenta Vjosa Osmani, ano Brunei Darussalam, qhivgya po hrami ano cidipe e vizengo mashkari Kosova thay Brunei Darusaalam.
Presidenta Osmani khetrane e Brunei-eske Sultanea, Haji Hassanal Bolkiah, hraminde lekanipe vash cidipe e vizengo mashkaro duy rashtre.
“Akava si yekh mahatno bajako kay amen te pashova thay te kera khetano butikeripe may phando mashkaro duy rashtre. Akava lekanipe nane saday yekh teknikuno lokhipe, numay yekh amalipaski phurt kreirimi pederal o respekti thay o laqho pakyavipe mashkar amen”, phengya Osmani.
Akaya vizita hramingyola sar o yekhto ofisialuni vizita e yekhe Kosovake presidenteski ani akaya rashtra e Aziaki.
