Prizrenoska Komunako Sheruno, Shaqir Totaj, anavinla e Shpresa Murati kotar e Koalicia Vakat ano sherunipe e Direktoriatesko vash e Buti thay Socualuno SHukaripe.

Rayni Murati avla yekh bara eksperienca sar yekh politikuni aktivista thay eksperta vash strategikune analize, publikune politike thay politikuno komunikipe, moldinindo sar yekh zoralipe vash o politike ano dizutnengo interesi thay favori.

Rayni Murati si te yaverinel e Rasim Demire, kova dengya cidipe vast vash te lel e deputetesko posti ano Kosovako Parlamenti.