Prizrenoska Dizako Teatro “Bekim Fehmiu”, yekhatar palo iranipe palo restauripe e Teatrosko, shrdla bare entuziazmoa thay intensitetea o promovipe e Teatralune Artesko na saday prekal pere drame numay vi akharela e aver dizyenge teataren vash te aven te performinen pere may laqhe drame ano Prizrenosko Teatro.

Adive si te performingyol e Komedia “ART” kotar e autora Yasmina Reza, e Nacionalune Kosovake Teatroski, tali rejia e Bashkim Ramadaneski.

Mashkaro informipe kotar e Dizake Teatroski qham, adive pe 21.to mayi pe ora 20:00 ka performingyol e komedia koya qhivla ano Mareva o amalipe thay arti.

“Shay mi yekh parne arteski vurme te oven sepebi vash te rumingyol yekh lugno amalipe? Kana o pakyavipya mamuyingyona thay o humori nakhla ki qaqhipaski esenca, biyangyola e briliantuni komedia kay na manglape te nashalelpe kotar e publika”, phengyola ano hramipe vash e komedia.

Ano akava khelipe khelena Ard Islami, Ylber Bardhi thay Butrint Lumi.

Akala dramaki premiera kheldili ano nakhlo kurko ani Prishtina, jikay luine dive sine misafiri ani Gilana, thay akana avela ano Prizren.