Kosovaki Publikuni Televizia erati mashkari emisia Speciale, realizngya yekh intervista ji 50 minutya e Kosovaka Republikake Sheruneministriea ano obligipe, r. Albin Kurti.

Konkretuni tema e intervistaki sine e Kosovaka Kupatnaki blokada thay o puqipya sine phande e Kuptanake na Konstituipa palo 18 bi suksesune tentative.

Albin Kurti mothagya o sepebya thay poro angashipe vash o Konstituipe e Kosovaka Kupatnako thay mothagya kay akava si godornipe e sah deputetyengo.

“LVV si vijautni e 9.to februareske alosaripyengi thay o yekhto partia kolaki legislacia ingardili ji pe agor, yase phergya o 4 bershuno mandati. Mashkare konstituciake thava, but klaro vakergyola kay o sheruno e kupatnako propozingyola kotar e partia koya vijanla o alosaripya, kote amen sar LVV khetane e Guxo thay Alternativa, manga kay e may buderi votuimi juvli kotar akala alosaripya, koya si e ry.Albulena Haxhiu, te alosargyol sar Sheruni e Kupatnaki, jikay o shtar aver talosherune te oven kotar o aver partie sar LDK, PDK, AAK thayv.”, respondingya o Kurti kana puqlilo soske pandar nashti reslola e Kupatnako Konsituipe thay seske na yaverinena o anav vash o sheruno e kupatnako.

Aver informacia koya ulagya ov sine kay ji akana pe shrd vastinde e metoda e putarde votuipaski thay palo odova probaime vi yaveripe e metodako ano garavdo votuipe, feriso e opozicia yase o partie kola ikliste kotar o alosaripya pali LVV na avena te keren ni o kourumi vash iklipe kotar e institucionaluni kriza, adikeripa yekhuni pratsav sar e Srbiaki Lista.

Kurti phengya kay ov vash te kreirinol o raipe siole gendya, aludipa ko minoritetya thay ki Nisma Social Demokraciaki Partia, numay vi ayekha potenciringya kay vi e LDK te ovelay sine ani Koalicia ovelolen may baro gendo sar Raipe thay na aqhona pale kane manglape te votuingyon ji 80 deputetya vash o Mashkarselikane Lekanipya. Numay, LDK refuzinde lesko kharipe.