Kosovaki Republikaki Presidenta, Vjosa Osmani, lugyarela poro ofisionaluno beshipe ani Amerika yase Amerikake Yekhipaske Rashtre, kote si kotorleuni e NATO-ske Parlamentaruna Asambleaki.
Mashkaro postipe laki ofisionaluni socialuni rafin, ulagya o fotografie thay o vakeripe kote sine kotor ano yekh mahatno paneli fokusirimo vash Kosovako euroatlantikuno integripe thay shandipaske puqipya vi ayekha stabiliteteske vash o Ratoriguno Balkani.
“Amare reformi thay amare investicie ano garavipaski thay siguripaski umal qhivena e Kosova ani partnereski pozicia mashkaro thana kolencar ulava yekhune mestipaske thay siguripaske moldipya”, hraminla e rayni Osmani.
Yekhe dromea, oy vakergya kay e Amerikako phikoipe sar sheruno strategikuno aleati, khetane e aver mashkarseline aleatyenge phikoipa, zorakerena e rayoneske temelya vash siguripe thay demokracia.
