Shrdipa e oratar 11:00, e Kosovake Deputetya palem ka kedingyon vash te adikeren o 22.to tentative vash te Konstituinen e Kupatni.
O Politikune Subyektya nashti te arakhen alosaripe vash te iklon kotar o politikuno grci ake kobar qhona.
Vetevendosya kolake perla te kerel propozali vash sheruno e parlamentesko, decizime e Albuna Haxhiu sar sheruni e Parlamenteski, numay niyekh parti ana akseptinela olakoro anav.
PDK thay AAK deklarime kay te sine kay e Vetevendosja ka yaverinel e kandidatesko anav, ka votuinen, jikay o LDK deklaringya kay na ka votuinel niyekhe kandidate.
Ani aver rig, e LVV na yaverinela po pratsav vash te yaverinel o anav, manginindo kay e Albunea Haxhiu sar may votuimi juvli ano agorune alosaripya te alosargyon sar Sheruni e Parlamenteski.
