Radio Romano Avazo erati pe 26.to mayi adikergya kedipe e lokalune thay minoritarune medienge reprezentyencar ano rami e proyektesko โDikhlaripasko Bayaripe thay Romane Jurnalistyengo Garavipe ani Kosovaโ kova phikoingyola kotar e Europaki Unia mashkaro program Safejournalists.net.
Ano kedipe lele kotor: Mustafa Balje kotar e RTK-eski boshnyakuni redaksia, ry. Mediha Yarimhoroz โ ex jurnalista ani turkyuni RTK-eski redaksia thay akana biumlavdi jurnalista, ry. Nashide Gashi thay ry. Gylaj Krasniqi kotar RTV BESA, menaxheri e TV Prizrenosko, r. Sali Bytyqi, jurnalista Elvira Elshani, kameramayna Vezir Uka thay Omer Beqiriย kotar TV Prizreno, Velard Paqarizi kotar informativuno portali โGazeta e Reโ thay Fatlum Kryeziu kotar DW – Deutsche Welle.
O Kedipe putergya o Fatmir Menekshe โ direktroi e BRO Durmish Aslano, talo kolate funskioninla o medialuno departamendi e Radio Romano Avazosko thay o fasilitatori e kedipasko r. Fisnik Minci โ penjardo jurnalisti.
Akale kedipasko res sine te kreirinel yekh khetanebutikeripasko ambienti thay te diskutingyolpe vash o medie vash te vazden o promovipe e Romane Komunitetesko thay Romane Medienge Reprezentyengo. Mashkari diskucia tretirisalo e mediaki rola thay zoralipe e romane komunitetesko kova ka eksplorinel e stabilune partneritetyenge kreiripe vash avokipe thay profesionaluno phikoipe
