Shukri Quni, kotar e partia Nisma Social Demokrate,  kova sinele asambleistesko posti ani Prizrenoski Komuna, vash o moralune sepebya dela cidipe vast thay mekhla akava posti mashkari seanca koya adikerdili akala dive.

Palo tragikuno aksidenti, mashkaro gava Grazhdanik thay Atmaxha, kote vi nashalgya po jivdipe yekh terno maturanti 17 bershuno gimanzisti, o rayo Quni cidelape kotar e pozicia sar kotorleutne e Prizrenoska Kupatnako.

Ov vakergya kay ano than kote ulo o aksidenti, kana kana mangloy thay rodimoy te qhigyon komunikaciake informativune sheya, numay leskiri rodlarin na lelili pe konsideracia thay geli ko kashuke kana.

Thav vash akava sebepi ov deklaringya ano sah o aver asambleistya ani erati diseski seanca kay na ka ovel veke kotor e may uqhe komunalune legislativeske organesko ano Prizreno.