Sherunoministri ano Obligipe, Albin Kurti thay e Presidenta, Vjosa Osmani, vizitinde e armataki umal ano Babaj e Bokako kote adikergyola o treningo “Defender Europe 2025”.

Ov moldingya e Kosovake Siguripaske Forcengo profesionalizmo thay potenciringya o mahatnipe e khetanebutikeripesko e NATO-a thay e mashkarselikane partneryencar.

Yekh mahatno momenti si kay decizipe e Amerikanyuna Armatako 28.to Diviziaka Komandako ano armatako aeroporti ani Gjakova, kova vazdla e Kosovako strategikuni rola ano rayoni. Kurti potenciringya vi e Kosovako gatiseripe vash te kontribuinen ano shandipe thay kolektivuno siguripe.

Jikay e presidenta Osmani phengya kay akava mothavla kay amen saday shay kontribuina ano akala operacia numay yekhe dromea shay ova beraberuni rashtra thay kotorleutni rashtra e NATO-ski thay naysikergya e Amerikake generalen kay gatiserna e soldaten ano akala treningya.

“Defender Europe 2025” si yekh e may bare treningyendar ani Europa, kote si inkluqime milencar trupya thay zorakeripa o integripe e Kosovako ano euroatlantika sar yekh pakyavutno partneri vash o stabiliteti.