Kosovaki Presidenta, Vjosa Osmani, decizingya kay o lokalune alosaripya te adikergyon pe 12 oktombari e akale bersheske. Akaya decizia lelili palo konsultipya e politikune subyektyencar thay analizipe e konstitivune thay krisyune vahtyengo, vash te siguringyolpe pherdo gatiseripe kotar o godorne institucie thay respektipe e uqhe standardyengo e alosaripaske administipesko.

Ano ofisicaluno informipe, Osmani kergya kharipe sah e politikune partienge, e civilune amalipaske thay e dizutnenge te angashingyon godornipa anoa kava procesi, vash te garantinen yekh sahastarno procesi, regularno thay hakayuno.

Alosardo datumi, pasharla adekuatuno vahti vash teknikuno thay logistikuno organizipe vash votuipe, ani akordanca e krisyune rodlarinencar.