Kosovaki Presidenta, Vjosa Osmani bahtakergya e Amerikake Yekhune Rashtren vash o 4.to yuli, Biumlavdipasko Dive anoa nav may pro amerikanyuna populaciako.

Akava bahtakeripe kergya ani piri qham ulavipa vi yekh video sar kotor e vakeripasko ani ceremonia e Amerikaka Ambasadaki ani Kosova angle duy dive.

Nesave alava kotar o vakeripe e Presidentako si:

Yekh sogod aqhola klaro sar kristali vash sah e Kosovake manusha

Amen jana koy amare amala

Amen jana sar on beshla pashe kana sine may mahatno

Thay akava na ka bistergyol nikana

Amerikako sel beshti e Kosova ano sakova bajako e dromesko

Na saday 26 bersha may angle kana tumaro lidershipi phiongyamen te vijaina o mestipe, yekh mesti koya na dendili shlbershencar, numay sakova bersh odole vahtestar.

Mashkaro shandipasko kreripe, mashkaro instituciengo kreiripe, mashkaro ekonomikuno avansipe thay amaro strategikuno garavipasko thay diplomaciako zoralipe.

Sakova yekhuno kapituli e Kosovako adikerla o hrami e Amerikake Yekhune Rashtrengo.