Agorutno vahti vakergyol vash yekh shayipe te agorinel o Mareva mashkari Rusia thay Ukraina palo buderi tentative e lumiake lideryenge kola mangena shandipe.

Volodymyr Zelenksy phengya e europake sherunenge kay on manglape te refuzinen sakoya opcia koya propozinla o Donald Trump, te sine kay e Ukraina cidla vast kotar o thana kola pandar sila kontrola yase nane lelile kotar e Rusia – numay e Rusia shay te mekhlol te adiker o phuvya kola lela.

Ji akana e Rusia lela Luhansk, Dontesk, Zaporizhzhia, Kherson thay Krime.

Sigate ajukergyola yekh maladipe mashkaro Amerikake Yekhune Rashtrengo presidenti, Donald Trump thay Rusiako, Vladimir Putin.