Kosovaki Romani Yekhipaski Partia puterna o duyto ofisi ano Prizren, desar e Arakhipaske Kherestar ani Terzimahala – Nusret Seharsoj, akana puterna pandar yekh ofisi te oven may pashe e komuniteteske ani Yeni Mahala – Rexhep Karaçi.
Res e puteripesko e akale ofisesko si te oven may pashe e dizutnenge kotar o mahale: Qytmala, Yeni Mahala, Bashdarhana thay o roma kola jivdinena truyal Ortakoli, Nevo Jivdipe thay Yanina thay Yaglenica, janipea kay o Yeni Mahala si than – lokalica koya si ano ilo e dizako thay vash sakola lokalica may pashe.
Informipe lelilo angle nesave dive numay erati mashkaro yekh ofisialuno postipe, konfirminde o puteripe thay servisi deipasko shrdipe vash o romano komuniteti ano Prizren.
Yekhe dromea ofisi kova ka lokakherel vi lengere bukya vash te gatisergyon thay te nakhaven e Lokalune Alosaripyengi Kampanya, kote silen duy kandidatya kola ka mangen o romane vote vash te ovelamen vash o yekhto ver ani historia e Neva Kosovaki, yekh romano asambleisti kotar o romane partie.
