E havaya transforimisali ani yekh mistikuni skena, jikay o Qhon lela kahaveringi thay loli rang kova dikhlilo ano sah rakyako horizonti.

Akava spektali dikhisalo klaro vi ani Kosova, kote o dizutne dikhle akava unikuno momenti. Yekhune dikhipya publikisale vi kotar o aver diza thay rashtre e lumiake, mothavinindo e havayako baripe thay fenomeni.

“Ratimo Qhon” ovela kana o Kham, e Phuv thay o Qhon rendingyona ani yekh direktuni via.

Pe lungipe e eklipsesko, e Phuvyaki uqhalin uqharla o Qhon, jikay e atmosfera filtrinla e mavia rang thay mekhla kay te reflektingyol saday o lolo dudi.