Ano Rezultatyenge Genipaske Centroste ji akana gendile pashe 73 pe shel e votyengo kola biqhaldile posta. Mashkaro ofisialune informipya kola publikisale kotar e Alosaripyengi Centraluni Komisia, ji akana gendile 67 kutia kotar sah o sah 92 kutie e votengo posta.

O preliminarune rezultatya mothavena kay e Vetvendosya vijaingya 72.56 pe shel e votengo, palo late si e LDK e 10.62 pe shel votencar, PDK 8.19 pe shel e votencar thay e AAK 4.74 pe shel e votencar.

Akala si o preliminarune rezultatya thay ajukergyola te lugyargyol o genipe e votengo jikay e Kosovaki Alosaripyengi Komisia si te certifikinel o rezultatya.