Pederal yekh miliarda euro mashkarselikano phikoipe ajukerna urgentyuno akseptipe ano Kosovaki Kupatni. Akala fonde si 882 milioyna kotar e EU-ako Reformengo Plani, aqhona sar blokirime e 2024 bersheske agorestar. Thay o nanipe e instituciengo andar o bersha 2024-2025 kergya kay akala fondya te na ulavgyon.

E 10.to legislacia, palo 28.to decembareske alosaripya, sila o lokho buderipe numay manglola 80 vote vash ratifikacia. LVV koya si vijautni e alosaripyengi mangela khetanobutikeripe e opozicia bizo politikune mangipya. LDK dela lafi kay ka phikoinel vash e thanesko interesi, jikay o PDK votinde vi may angleder.

Pashola o agoruno vahti vash leipe e akale fondyengo, kote si riziko ji po 2027 te na denmpe akala fondya vash BE thay ji pe 13 februari vash e Lumiaki Banka. Akala lekanipya si 90 milioyna vash o publikune financie thay 21 milioyna vash neve anglofundune skole.