Vash o sepebi e phare atmosfirikune kondiciengo thay e ziyaynengo kotar o agorune brshina, trumisalo e 2025-2026 skolake bershesko startipe kova sine pe 8 yanuari 2026 ji avdive pe 12 yanuari 2026.

Sah e Kosovake komune, yekh olendar vi o Prizreno avdive startinena regularno e skolako bersh.

Nesave komune sar Malisheva, Drenasi thay Fush Kosova truminde pandar e skolako startipe.

Jikay angle nesave dive, e SBASHK-esko sheruno, Rrahman Jasharaj mangla kay o startipe e duytobersheske kotorske te trumingyol ano thanesko niveli, potenciripa kay o shilale temperature thay o bilaqhe kondicie ano nesave skole prezentinla riziko vash e siklovnengo thay e siklipaske stafesko sastipe.