Phiravno kota Prizren thay reprezenta kota UNDP-i dende hrami pe lil vash lekanipe e proyektesko kova dela shaipe vash phikodeipe e lokalune Raipesko vash politika thay yekhuno evolviripe. Sar si kota duy riga kola dende hrami pe lil,kotor akale proyektesko isito ini Agencia e austriaki vash jamaipe (ADA),hraminla Koha Ditore.
Sheruno e Prizrenosko,Mythaer Haskuka,vakergya kay akava somgodinipe puterla drom vash kooperacia e Komuna , UNDP-i thay ADA,ano proyekti vash phikodeipe yekhuna dizake. โKota akaya kooperacia ka formirina Ofisi vash carboyako(yeshel) jamaipe (Green Growth Center),koya ka ovel somkerdi kota umalenge ekspertya,thay kola ka keren analiza thay evolviripe e proyektyengo ani amari komuna.
Akava ofisi ka ovel thavd e orientipasko kota savore evolviripya thay investipya ano Prizren, thay akana sakova investipe kova shay ka ovel,ka ovelola ini analiza e dikhipa ano yeshelukoโ (natyra)dengya pe janibe Haskuka.Sar si pe leste,pe akava servisi Prizreno gatisargyola vash adresipe e sfidako, kova shay te ovel klimatikuno yaveripe sar ini dikhipe ani praksa vash energiako efekti,feri so akava suro shay te ovel e resipaske evolviripa.
