NATO-sko generaluno sekretari, Mark Rutte deklaringya kay e aleanca na ka mekhel kreiripe e yekhe siguraciake vakumesko ano Ratoriguno Balkani, potenciripa kay e shandgaravipaski misia ani Kosova ka aqhol zorali thay gatiserni vash piri misia.

E deklaracia ali palo vakeripe e Vrdloriguna Makedoniaka rolako ano rami e aleancako, mashkari leski vizita ano Skopye, Rutte phengya kay e Balkanesko stabiliteti sitov mahatno thay strategikuno vash o NATO.

NATO-ske trupe ani Kosova si 4 mile 767 soldatya kotar 33 lumiake thana kola dena servisi aktualno ani Kosova. Pashe kvashe force si kotar Italia, Amerikake Yekhune Rashtre, Hungaria thay Turkia.