Romane organizacie thay aktivistya ano Prizren reaguinde zorale vash o preliminarune rezultatya publikime kotar e Direktoria vash e Kultura, Terne thay Sporti ani Prizrenoski Komuna, moldipa o procesi sar diskriminativune thay na involvimo vash o romano komuniteti.

Mashkaro publikuno reaguipe, ani kulturaki umal phikoisale 26 organziace thay 37 individya, ano sporti 19 klubya thay 22 individya, jikay ko terne 9 organizacie thay 7 individya. Numay mashkaro lende niyekh organizacia yase individi nane kotar o romano komuniteti kova figurinla sar vijautno.

Romane reprezentya puqena publikune soske nane phikoisale o kulturune romane aktivitetya, sar koncertya e gilencar thay tradicialune khelipyencar, artistikune ekspozite, treningya e ternencar thay e juvlencar, revista “Yekhipe”, romani yekhuni Biblioteka thay Romano Teatro “Nexhip Menekshe”.

On rodena transparencia vash e moldipasko procesi, ridikhlaripe e rezultatyengo thay beraberuno involvipe e haricune komunitetyengo ano komunalune politike vash e kultura, terne thay sporti.

E reakcia kerdili kotar o Fatmir Menekshe, Direktori e BRO “Durmish Aslano”.