Sheruno Shaqir Totaj bahtakergya mashkari yekh torta thay naysipe o pensionipe e raynako Mibexhel Zhuri, koya dengya but bershuno kontributi ani Prizrenoski Komuna sar sheruni e Nisiaki vash o Manushikane Hakaya.
“Yekh tati thay amalikani atmosfera, hramingyem o biyando dive thay o pensionipe e amara kolegako, Mibexhel Zhurli, nayskeripa lakoro butbershuno kontributi ani Prizrenoski Komuna, specialno ano obligipe sar sheruni e Nisiako vash o Manushikane Hakaya. Lakiri buti thay profesionalizmo mekhle mahatne vurme ano servisipe e instituciako thay dizutnengo.” hraminla o sheruno Totaj manginindo sastipe, loshalipe ano lakere avutne bersha ani penzia.
Desar akalestar e rayni Mibexhel Zhuri sine khetanebutikerutni vi e romane biraipkane organizaciengo sar “Nevo Koncepti”, “Durmish Aslano” thay “Sakuntala”, adresipa lengere mangipya vash respektipe e romane komuniteteteske hakayengo.
