Adive ka parungyol e juvli koya tasavdili, informinla lakiri familia kay e parunipaski ceremonia ka adikergyol pe ora 15:00, ano gav Radac e Pekyako.
Suro kova vazdingya bare reakcie ko publikuno opinioni thay irangya amari godi vash e violenca ani familia thay e juvlengo garavipe.
Tasavipe e Arlinda Zejako ani Vitomirica: Rodindi sine garavipe kotar o institucie, yekh dive pali tragedia shrdinena o rodlaripya vash o shayutne godornipya
Tasavipe e 49 bershuna juvlako Arlinda Sylaj Zekaj, purane kurkoski rat, pe 25.to oktombari, ano gav Vitomirica ani Pekya, vazdingya bare reaguipya ani Kosova thay thovgya seriozune puqipya vash o funksionipe e institucionalune mehanizmyengo vash familiaka violencake viktimyengo garavipe.
Arlinda Zekaj phengyola kay tasavdili khuvipa toverea ano apartamenti kotar lakoro jest, identifikimo e inicialencar A.S., palo nesave minutya kana oy irandili pere khereste amalimi kotar e Kosovaki Policia.
E viktima angloinformingya e institucien vash o riziko feriso rodingya phikoipe pandar bi tasavdili. Pe 16 oktombari, e Kriselin ikalgya decizia kay lakoro rom kolestar ulavdili te iranel thay te kerel shayutno te vastinel o yekhuno kher. Vi ayekha sinela garavipasko ultimatum vash 6 qhona. Pe 22 oktombri, trin dive pandar bi tasavdili, e Zekaj kergya rodlarin vash e Sheruniprokurora ani Pekya, mothavinindo piri dar kay o institucie ka den godornipe thay jevapi palo leipe e lakere jivdipasko.
Më 22 tetor, vetëm tri ditë para vrasjes, Zekaj i ishte drejtuar me një kërkesë Kryeprokurores së Prokurorisë Themelore në Pejë, duke shprehur shqetësime për trajtimin e rasteve të mëparshme dhe duke kërkuar ndërhyrjen e institucioneve. Palo yekh dive pe 23 oktombari e Prokuroria vazdingya aktakuza mamuy lakoro pishino rom vash o penalune akcie.
So ulo ko 25 oktombareski rat?
Mashkari kronologia koya publikisali kotar e Prokuroria, ani rat e purane kurkeski, Arlinda Zekaj raportingya pandar yekh bipakyavuno suro e violencako ani familia. Lakere purane rome lele, jikay e Arlinda ningarde e yekha policiaka patrula khere pe ora 21:00.
Palo meripe, e Kosovake institucie lele nesave akcie, publikinde reakcie vash akaya tragedia.
Rashtrako sherunoprokurori rodingya detalno raporti vash tretiripe e raportime sutyengo kotar e Arlinda Zekaj.
E Pekyaki Prokuroria, mashkaro informipya thay konferencia vash o medie, deklaringya kay lelile sah o mangle bajakya thay akcie pali viktimake rodlarina thay na akseptinena nisavi neglizhenca.
Kosovaka Policiako Inspektorati shrdingya o rodlaripaske thay verifikipaske akcie vash te dikhlarel akaya buti.
Kosovaki Presidenta, Justina Shiroka-Pula, rodingya urgyentyuno thay pherdo rodlaripe.
Civiluno Amalipe, sar organizacia QIKA kergya yekh simbolikuno aksioni anglo Kosovako Raipasko obyekti qhivipa e pankarda e hramipea “E Rashtra tasavgya e Arlinda” thay mangipa kay te rodlargyon thay te puqlon o sah institucionalune reprezentya.
Si avazya kay mangena cidipe vast sah akale potencialune jenengo kola dikhlona sar kabahatlie e akala tragediako.
E Kosovako Raipe adikergya avrirenduni seanca kote hraminde thay votuinde yekh rezoluta vash Parlamentaruni Komisia.
Tasavipe e Arlinda Zekaj si yekh phari memoria kay o garavipe e juvlengo kotar e violence nashti te limitingyol saday palo askeptipe e denoncipyengo thay ikalipe e krisalinake deciziengo. Ov mangela yekh efektivuno implementipe e garavipaske masengo thay reagipe pe vahti kotar o godorne isntitucie.
