Albert Kinolli โ romengo deputeti kotar e partia PREBK arakhlape e Infrastrukturake thay Transporteske Ministrea, Dimal Basha
Mashkaro yekh postipe ano facebook, Kosovake Parlamentesko deputeti kotar e romani partia PREBK, Albert Kinoli, mothavla kay arakhlope e Infrastrukturake thay Transporteske Ministrea, Dimal Basha, vash te diskutinen thay adresinel o infrastrukturune rodlarina e romane komuniteteske, e ulavde fokusea o konkretune rodlarina thay o sfide kolencar mamuyingyona o dizutne.
โPe lungipe e kedipasko, potencingyem o mahatnipe e institucionalune tretiripasko e akale rodlarinyengo, e resea vash te laqhara e infrastruktura thay te kreirina may laqhe jivdipaske kondicie. E dizutnenge rodlarina rodena biaqhavdo konsideripe, mashkarinstitucionaluno koordinipe thay konkretuno angazhipe vash stabiluno iklipe.โ, hraminla o rayo Kinoli.
Desar akalestar ov hraminela kay o khetanobutikeripe e godorne instituciencar si esencialuno kay e romane komuniteteske rodlarina te lelon pe konsideripe thay te irangyon ano konkretune bajakya. Vi ayekha rayo Kinoli phenela kay o lengoro angazhipe aqhola kay e dizutnenge problemya te adresingyon seriozitetea thay godornipe, mangindoy o qalavde rezultatya ano jivdipaske kondiciengo laqharipe.
