Kotar  Gazeta Tribuna

O Kosovako Rafin e juvlane organizaciyengo Roma, Ashkaliye thay Ejiptasya (Rrograek),reaginla zoralo-holanipea phanglo e gila kotar o Kastriot Grajqevci e titula “Gabelica Ime”, (“Miri Gabelka”), koya anglo nesave dive lansirisali ano kosovaryuno muzikyuno trego.

Vash o “Rrograek”,teskti akala gilako, kova astarla inyorimi qhib, telarini/kalarni thay racizyni vash o romano komuniteti si na shukarleli.

O “Rrograeko”, konsiderinla kay sah akava, si ano kotripe e mestipeya thay e manushikane hakyengo sar ini e sistemeya e Kosovaka konstituciya, upral koya sah o individya, silen hako kay te upraljivdinen akala hakya thay bazikuno mestipe, bizo ovipea obyetko varesava forma e diskriminipesko, bazirimo ani rasa,rang, yeri,religia, politikuno   opinyoni vay day yekh yaver opinyoni, selikano avutnipe vay malipyuno, phanglo daykhe komuniteteya, mangin,familiyaruno avutnipe vay yaver statusi.

Vash o “Rrograeki” si na shukarlelo kay o juvla kotar o romano komuniteti , te etiketingyol te telargyon ani akaya forma, upral e gilenge tekstyengo, ano yekh periodi kana nays e avrune Donatoryune Fondyengo, kergyola buti inteziviteteya, vash integripe e minoritarune komunitetyengo ano malipe, vash bereberuno tretiripe, bi racyuni diferenca, rang vay avutnipe.

O “Rrograeki”, ayekhe ini rodla kotar o Institituciye e Kosovaka Republikake, te len proviziye/mase yekhatar, phanglo e suroa ano lafi thay odola kola lansirime akaya gili, koya telarla e romane komunitete, te roden publikuno  yeftisaripe/afikeripe.Ayekha ini o autorya e tekstesko , te len hakoimo/meritimo bangipe.

Roda kay orgentipea e gili te duryargyol kotar e muzikako trego, ji kay na laqargyola e telarni/kalarni vay armanduni qhib, upral o romano komuniteti, vastimi ani gili e titula “Gabelica Ime” ,(“Miri Gabelka”). /KosovaPress/