Rolling Film Festivali, organizimi kotar o organizaciye Roma Versitas Kosova thay Romawood, kotar e Prishtina , si te adikergyol kotar 13-16 novembro 2018 ani Prishtina

O Avni Mustafa , kobaranavimo festivalesko direktori, phravgya e konferenciya deipeya pe janipe, o mahatnipe e kulturune aktivitetesko ani Kosova. Kana si o lafi e romana kulturako thay korkororeprezentipesko sar komuniteti ani publika thay ikluziya e romengi ani Kosova, o Rolling si kulturuno ovipe kova reslarla amari sheruni diz ano internacionaluno niveli. O Roma si pandar may diskriminimo komuniteti ani Kosova thay ano simdal.

Truyal  92% e romengo ani Kosova si bizo buti thay komuniteti kova ano buderi surya si naadekvatuno tretrimo kotar o yavera komunitetya. O Rolling sile resipe shukaripe e romane komunitetsko ano selikano nivelo kreiripeya yekh  may buhlo janipe/phakyavipe olenga kulturuna poziciako ,politikuna thay artistikuna ano amaro than, sar ini vash te kreirinel yekh malipe may putarda godya ani drom e multikulturalizmesko.

O Roling dela kontributi  ano barvalie e kulturune diverzitetsko, thay ayekha ini marlape vash o stereotipya thay o nahakayipe.

O Sami Mustafa, o Artistikuno Direktori, vakergya vash o mahatnipe e korkororeprezentipesko, koya si tema e abershune festivalesko ” Yaverin sakova nevo dive”, lelo kotar e ispiraciye e jivdipaske resipesko e Kujtim Paqaku sar individi, artisti thay politikani, vash alosaripe e filmyengo thay e kharde misafiryengo kola si te oven prezente ano festivali vash te vakeren pere filmyenge. Si te performingyon truyal 25 filmya kola kerdile kotar thay vash o roma sar ini si te adikergyon trin yaver yever koncertya pe buhlipe e shtar divengo e festivalesko.

O Menajeri e Festivalesko, Denis Mustafa, vakergya vash o neve aktivitetya e festivaleske kola si te promovinen neve romane  artistyen ani Kosova thay e ternengi buti ani Kosova upral yekh fotografuno konkurso:” Yever rig e sasosko”, truyal yekh konkursi e harne filmyengo thay semineryengo e realizmime rezultatyengo kola si te sikavgyon ano trinto dive e fesivalesko, ani yekh piktoryuni ekspozita  kotar o Bajram thay Farija Mehmeti thay Mirjeta Qehaja, ano Amfieteatro e Nacionalune Muzesko kotar 13-16 Novembro thay o flash-mob- yekh dromeski perfomansa koya si te adikergyol ano boro e kinemako ABC, kvashi ora anglo starti e sakole fesitivalesko divesko.

Tumen shay te len/ dowlandinen;

- Promovipaske meteriyalya (posterya, katalogya, program e festivalesko, promovipaske video programya (trailer):

- Fotografiye  kotar o koferenciye vash o mediye

Dikhas amen ko Rolling.
www.rollingfilm.org