Metyu Palmer, yaveruno themutno sekretari vash azhutipe,ijune diveste ano ambienti e amerikaka ambasadako ani Prishtina kedingya lideryen e kosovake poziciyake thay opoziciya, numay ano kedipe sine przentyune ini phiravno e Srbyuna listako.
Numay,mediye nay lele kan so sine vasni tema e vakeripaski, numay savo mesazhi Palmer dengya politikune reprezentyenge ani Kosova, numay sasavipeya avutno kedipe ano Pariz te ovel ano centro e diskutipasko,yase ultimatum pe shrd e avutne chonesko vash phiravipe e diyalogesko mashkar Kosova thay Srbiya.
Palmer kova angledo avipe ani Kosova araklilo e srbyune presidentea Aleksandar Vuqic rodingya kota kosovake phiravne te ciden decisya vash taksa kota 100% vash srbyuno mali, thay dogrinindoy ani ofisionaluni ceremoniya koya hramingya 20 bersha kota khuvipe e KFOR-esko ani Kosova,Palmer deklaringya vasnipe vash shukarne mikya ledeipe e Srbiya yase phiravipe e diyalogesko mashkaro duy thana.
“Lava kan kay e tarifa isitoy popularuni thay la kan vash soske,numay amen zorakara manushen,sar politikune liderya ayeka ini kosovake votantyen te dikhen shuka so akalesta vijainla Kosovo thay so pe cacipe rumingya ano Kosovo. Te sina kay klaruno diklargyola,pakyava kay ka oven kethane amare nahtareya kay tarifa kykesta na azhutinla Kosovo ano drom pe koleste shay te jal angle”,deklaringya amerikako diplomaciako stavi ano intervyu vash Radio Tromali Evropa.
Pe akava intervyu,Palmer palem vakergya vash phikodeipe kota Amerikake Yekune Rashtre, phiravipe e diyalogesko,thay vakergya kay Samiti ano Berlin thay avutno kedipe ano Pariz”dizayimo”ano servisi vash te phikoinel dialog ano Bruksel.
“Amerikako diplomati ikalgya stav e pere thaneske ano phanipe e ideyako kova agorutne chona decisinla kosovake prsidente Hashim Thaqi,phando vash alosaripe e ledeipasko e Srbiya,sar isitoy odoya ani korekciya e samatrada.
Numay,Palmer ano pucipe shay ayeka khardo “shatl” diplomatiya dela azhutipe kay duy riga te irangyon ani mes,Palmer dengya respodipe kay resto e Beogradesta thay akana isito ani Prishtina.
“Amen adikera duy riguno vakeripe pe akava procesi sar te jal angle.Pe agor e agoripasko na umlavgyola amenda vash lekanipaske negocie.
Pe aver rig, Bodo Veber vash politikuni demokratizaciya,deklaringya kay germanyuni kancelara Angela Merkel thay franciyako presidento Emanuel Makron na cidinde vast kay iniciyativa kosovake thay srbyune liderya te kedingyon ano Pariz,vash koleski res isito te adikergyol palem o diyalog.
“ Federika Mogerini thay olaki ekipa koya pe agortne duy bersha frdingya negocie vash diyalog kota aver instituciye Evropaka Uniyake, leipe kotor ini raipyuno them thay phiravne,sasavipeya sine may ekstrmyuno missal vash phiravipe..Ayeka kay akana isito kota buderuno vasnipe kay akala duy thema lele iniciyativa vash te iranen tali kontrola procesi e vakeripasko vash leipe sah kotor e lekanipasko vash normalizipe e ledipesko Kosovo thay Srbiya. Akava isito procesi kay na manglape thay nay ovla te ajukergyol ji kay presidento Evropaka Komisiyako thay ucoe reprezentya lena ofisionaluno obligipe.
Ano intervyu vash “Gazeta Expres”,Veber mashakarosa deklaringya kay isito kota vasnipe te sine kay riirangyola dialog akava procesi tena lungyol buderi se duy bersha,numay eventualuno lekanipe shay te ovel sah leipe kotor,vazdimo ani baza som jivdipe mashkar Srbiya thay Kosovo.
“Rusija na sitoy interesimi vash varesavo konstruktivuno procesi kolea phiravla Ratorig,thay sasavipeya na odola kola na pashakarna Srbiya evroatlantikuna integraciya”deklaringya Veber.
KosovaLive- Violeta Oroshi Berishaj
