Kedipe e Sherunipasko AAK ka shrdel pe ora 15:00.
Numay, dive pe angleder kota akaya partiya cidingya vast Meliza Haradinay – Stubla, sar ini kota pozita e ministraki vash Avrune Bukya.
Olako cidipe vast resla pali akuza vash manipulipe e votyengo.
Pe aver rig, sheruno akala partiako Ramush Haradinay, adive araklape e phiravna ano obligipe vash presidenta, Vyosa Osmani thay kandidati e VV vash sheruno ministri Albin Kurti.
