Politikune partie kola diklarna te oven kotor ano lokaluno alosaripe kova ka adikergyol pe 17 oktobro, isilen rok jip e ora 16:00 te mekhen lista ani Centraluni Komisia e Alosaripaski e kandidatyenge navea vash sheruno e komunako yase vash Komunaluno Sombershipe.

Avazdeutno e KQZ-ako, Valmir Elezi vakergya kay KQZ-lela 29 politikune subyektya,kote pe lungipe isiton politikune partie,desh isiton dizutnengi iniciativa thay deshutrin aver isiton biumlavde kandidatya