DKRS thay Komuna e Prizrenit ano khetano butikeripe vi e sheruneske ofisea, plinifikingya te realizinel e Diasporako Kurko

Pe data 24.to yuni 2022, kurke dive, ano “Shadrvano” yase ano “Key” e tradicionalune gilencar thay koreografiencar vash e Diaspora, jikay pe data 25.to yuni 2022 – luine dive, si te realizingyon duy teatralune performance ano Kulturako Kher “Jemayli Berisha” thay pe agor pe data 29.to yuni 2022, sheruno e Prizrenoska Komunako, Shaqir Totaj ano Parno Kher si te realizinel yekh eventi vash e Diasporake dizutnen.

Ano muzikako thay khelipyengo koncerti si te len kotor o kulturune-artistikune amalipya kotar o Prizren thay o rayoni, jikay ko tealtralune performance si te performingyon o drame “Juvlenge Historie” kotar o Romano Teatro “Nexhip Menekshe” thay “Gruaja e Drejtorit” kotar e Prizrenoska Dizako Teatro.

Desar akalendar, e Kulturako, Ternengo thay Sportesko Direktori, Adem Morina mothavla kay: o yekhto ver si te realizingyol vi yekh Teatrengo Festivali kola ka performinen ano putarne thana/ambientya sar si: e kalaya, Kino – Lumbardhi thay aver Prizrenoske thana.

Teatrengo Festivali sit e shrdel e datatar 29 yuni ji pe 4 augusti 2022. Ani aver rig siyem ano prago e gatiseripyengo vash o Dokufest kova shrdla 5 augustestar ji pe 13 augusti thay napal simen pandar but kulturune aktivitetya.